Bu insanlar daha çox depressiyaya düşür

Kembric Universiteti və Albert Eynşteyn Tibb Kollecinin alimlərindən ibarət qrup müəyyən edib ki, introversiya və ya nevrotiklik kimi müəyyən şəxsiyyət xüsusiyyətlərinə malik olan insanlar depressiyadan daha çox əziyyət çəkirlər.

Qaynarinfo xəbər verir ki, tədqiqatın nəticələri "Journal of Affective Disorders" (JAD) jurnalında dərc olunub.

Tədqiqat üçün tədqiqatçılar 6 yaşdan 85 yaşa qədər könüllülər tərəfindən doldurulmuş 1500-ə yaxın şəxsiyyət psixoloji sorğusundan alınan məlumatları təhlil edib. Test könüllülərin emosional sabitliyinin qiymətləndirilməsini və onların impulsiv, ünsiyyətcil, açıq və ya əksinə, sakitlik və təklik meylini əhatə edib.

Nəticələr göstərib ki, introversiya və ya nevrotiklik kimi müəyyən şəxsiyyət xüsusiyyətlərinə malik insanlarda depressiyaya daha çox rast gəlinir. İntroversiya şəxsiyyətin tipoloji yönümüdür, onun mərkəzi xüsusiyyətləri insanın daxili təcrübələrinə diqqət yetirir. Nevrotiklik, müəyyən təcrübədən sonra insanın psixikasının normal, sakit vəziyyətə qayıtma sürətini xarakterizə edən bir xüsusiyyətdir. Nevrotikliyin yüksək səviyyəsi emosional qeyri-sabitlik və narahatlıq ilə xarakterizə olunur.

Alimlər həmçinin müəyyən ediblər ki, bu əlaqə ən çox yeniyetmələrdə özünü göstərir. Çox güman ki, bu, prefrontal korteksin tam yetişməməsi və bunun nəticəsində müəyyən xarakter əlamətlərinin "kəskinləşməsi" ilə əlaqədardır.