“Leykemiya hökm deyil! adlı layihə başladı

Azərbaycanda 10 milyon əhalinin arasında son vaxtlar daha tez-tez rast gəlinən 3000-dən cox qan xərçəngindən (leykemiya) əziyyət çəkən vətəndaşlarımız müalicə üçün müxtəlif tibb müəssisələrinə müraciət edirlər. Müalicəyə müraciət edənlərin  45 % məktəbəgədər və məktəbyaşlı uşaqlardı. Çox vaxt cəmiyyət arasında “Ağ qan qırmızı qanı yeyir” ifadəsi ilə belə bir yanlış fikir irəli sürülür və bu da ailədə qan xərçəngindən (leykemiya) əziyyət cəkən insana ölüm hökmü kimi səslənir. Azərbaycanın ucqar rayon və kəndlərdə yaşayan ailələr bu hökmlə barışıb, xəstə ailə üzvünü ölümlə üz-üzə qoyur və qan xərçənginə duçar olmuş 45% uşaqların yalnız yarısı valideynlərin müraciəti ilə adekvat müalicə alır, digər yarısı isə ümüdlərini itirərək uşaqları müalicəsiz qoyurlar.

Bununla əlaqədar olaraq, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi tərəfindən “Leykemiya hökm deyil!- qan xərçəngi haqqında əhalinin düzgün məlumatlandırılması” adlı layihə maliyyələşdirilib. Layihə 01 avqust 2023-çü il tarixindən 31 oktyabr  2023-cü ilə gədər davam edəcək.

Tibb elminin inkişafı Azərbaycana təsir etdiyinə görə qan xərçəngindən əziyyət cəkən insanlar vaxtında tibb müəssisələrinə müraciət edərək adekvat müalicə alır və sağlamlığına qovuşur. Sağalmada yüksək nəticələri nəzərə alıb, bu barədə əhali arasında düzgün məlumatlandırma kampaniyasının kecirilməsi zəruridir. Azərbaycanda qan xərçəngi (leykemiya) haqqında yanlış stereotiplərin aradan qaldırılması üçün aksiyalar, maarifləndirici seminarlar, televiziya və radio şou verilişləri, sosial çarxın çəkilişi kimi müxtəlif səpkidə tədbirlərin keçirilməsi böyük əhəmiyyət kəsb edir.

Yerli İcra strukturlar, Səhiyyə Nazirliyi, İcbari Tibbi Sığorta üzrə Dövlət Agentliyi və   TƏBİB-lə birgə layıhə çərçivəsində Bakı və Lənkəran şəhərləri, Quba rayonunda seminarlar, aksiyalar və tanıtıcı kampaniyalar keçirilməsi, “Leykemiya hökm deyil” adlı sosial çarxın hazırlanması, leykemiyalı xəstələr və valideynlər üçün əl kitabçasının hazırlanması və çapı, əldə edilən nəticələr haqqında cəmiyyətə KİV-in dəstəyi ilə catdirilması nəzərdə tutulub.