Yayda baş ağrılarından necə xilas olaq?- ARAŞDIRMA

İstilik başgicəllənmə və baş ağrıları da daxil olmaqla narahatlıq yarada bilən vəziyyətdir. Soyuqda qan damarları daralır, istidə isə genişlənir. Qan daha az təzyiqlə geniş damarlardan keçir, buna görə də qan təzyiqi aşağı düşür. Beyin kifayət qədər tez oksigenlə təmin olunmur. Mütəxəssislərin sözlərinə görə, bu hal bəzi insanlar üçün bu başgicəllənməyə səbəb ola bilər.

Bundan başqa isti günlərdə tərləmə nəticəsində çox miqdarda maye itirilir. Həkimlər bildirirlər ki, maye çatışmazlığı da başgicəllənməyə səbəb ola bilər. Bunun qarşısını almaq üçün tibb elm adamları üzə,bədənə su vurmağı və gündəlik iki-üç litr su istehlak etməyi məsləhət görürlər. Bundan əlavə mütəxəssislər tərkibində su olan qidalara üstünlük verməyin vacibliyini də diqqətə çatdırıblar.

Zeynəb Müzəffərli