COVID-19-a qarşı müalicə olundu, gözlərinin rəngi dəyişdi - Həkimləri şok edən dərman

COVID-19.1-in müalicəsində istifadə edilən antiviral dərman - favipiravir azyaşlının gözündə rəng dəyişməsinə (piqmentin rəngi) səbəb olub.

Medicalmedia.az xəbər verir ki, hadisə Taylandda qeydə alınıb.

Belə ki, körpə 3 gün ərzində favipiravirlə müalicə olunub və dərman COVID simptomlarının yaxşılaşmasına kömək edib. Lakin favipiravirin dayandırılmasından 5 gün sonra göz rəngində dəyişiklik hiss olunub.

"Live Science" onlayn hesabatında qeyd olunub ki, Favipiravir 2020-ci ildə Çində, ardınca Hindistan, Yaponiya və Taylandda yüngül və ağır COVID-19-un müalicəsi üçün təsdiqlənib.

Hesabata görə, Taylandda SARS-CoV-2-yə yoluxmuş uşaqlara verilən əsas antiviral dərman favipiravirdir. Lakin favipiravirin ən çox görülən yan təsirləri kimi ishal, ağ qan hüceyrələrinin sayının azalması və qanda sidik turşusunun səviyyəsinin artması göstərilib. Ancaq göz rənginin dəyişməsinin səbəbi isə ilk belə hal hesab olunur.

Körpədə yaranmış göz rəngi ilə bağlı Londonda fəaliyyət göstərən cərrah Vic Şarma, rəngin dəyişməsinin dərmanın parçalanaraq buynuz qişada yığılması nəticəsində flüoresan kimyəvi maddələrin buraxılması nəticəsində ola biləcəyini irəli sürüb. Lakin əvvəlki araşdırmalarda bildirilib ki, favipiravir insan saçında və dırnaqlarında da flüoresans yarada bilər.

Göz rəngində dəyişiklik müşahidə olunan körpədə isə, müayinə zamanı hər iki buynuz qişada mavi piqmentin toplanması aşkar edilib.

Müayinədə iştirak edən həkimlər qeyd ediblər ki, favipiravir həbləri laboratoriya şəraitində ultrabənövşəyi şüalar altında flüoresanlaşır və preparatın flüoresan komponentləri müxtəlif toxumalarda toplana bilir.

Bundan sonra göz rənginin dəyişməsinin dəqiq səbəbini və hər hansı uzunmüddətli təsirini müəyyən etmək barədə geniş araşdırmalara başlanılıb.

Şahnun