“Azərbaycan-Türkiyə Pediatriya günləri” elmi praktik konfransı keçirilir - Fotolar

03-04 noyabr 2023-cü il tarixlərində Barkıda Badamdar Oteldə AR Səhiyyə Nazirliyi, TƏBİB, Türkiyə Respublikası “Çocuk Astım ve Allerji Akademisi Derneği” və Türkiyə Pediatriya Qurumu dəstəyi ilə Ümummilli Lider Heydər Əliyevin 100 illiyinə və Türkiyə Cümhuriyyətinin yaradılmasının 100-cü ildönümünə həsr olunmuş “Azərbaycan-Türkiyə Pediatriya günləri” elmi praktik konfransı keçirilir.

Medicalmedia.az xəbər verir ki, konfransın elmi proqramında pediatriyanın müasir problemlərinin müzakirəsinə həsr olunmuş 7 müzakirəli panel nəzərdə tutulmuşdur ki, yerli mütəxəssislərlə yanaşı Türkiyə, Almanya, Orta Asiya türk dövlətlərini təmsil edən məşhur elm adamları bu panellərdə çıxış edəcək, iştirakçılarla öz təcrübələrini bölüşəcəklər.

Zəngin elmi proqram Azərbaycanlı uşaq həkimlərinin elmi-praktik bacarıqlarının artırılmasına öz tövhəsini verəcəkdir. 03 noyabr tarixində konfransın rəsmi açılışı olmuşdur.

Konqresin sədri dosent Məleykə Kərimova AR Səhiyyə Nazirliyi Ana və uşaq sağlamlığı qorunması sektorunun müdirir Aynurə Zeeynalova, TƏBİB Tibbi təhsil və İnnovasiyalar departamentinin müdiri Teymur Mirzəbəyli, Çocuk Astım ve Allerji Akademisi Derneği başqanı Prof.Dr. Koray Harmancı açılış nitqi ilə çıxış etmiş və konfransın işinə uğurlar arzulamışlar. Sonra, konfransın elmi hissəsi “Uşaqlarda hər xışıltı bronxial astmadırmı? Pediatrlar nə etməlidirlər”, “Bütün aspektləri ilə inək südü proteini allergiyası (İSPA)”, “Allergenspesifik immunoterapiya. Anaflaksiya” mövzulu müzakirəli panellərlə davam etmişdir. 04 noyabrda da konfrans elmi proqramını gün ərzində davam etdirəcək.