Vaxtından əvvəl doğulan körpələr üçün süni bətn hazırlanıb

Alimlər vaxtından əvvəl doğulan körpələrin ana bətninə bənzər bir mühitdə böyüməsinə kömək edəcək süni uşaqlıq hazırlayıblar.

Medicalmedia.az xəbər verir ki, quzular üzərində aparılan 300 testin uğurla başa çatdırılması insan təcrübələrinə qapı açır.

Belə ki, Filadelfiya Uşaq Xəstəxanasından bir qrup vaxtından əvvəl doğulmuş quzularda hazırladıqları süni bətni uğurla sınaqdan keçirib.

Bu testlər nəticəsində heyvanların normal beyin inkişafı göstərdiyi və anaları tərəfindən bəslənmiş kimi balanslı qidalana bildikləri müəyyən edilib.

Məlum olub ki, heyvanlar kisədə olarkən gözlərini açıb, aktivləşib, normal nəfəs alma və udma hərəkətləri göstəriblər.

ABŞ-da Qida və Dərman İdarəsi (FDA) mütəxəssislərlə görüşərək, "EXTEND" adlı süni bətnin insan sınaqlarında istifadəsini müzakirə edib və qərarın bu ilin sonuna doğru açıqlanacağını bildiriblər.

Qeyd edək ki, yeni doğulmuş körpələrin yüzdə biri vaxtından əvvəl doğulur, vaxtından əvvəl doğulmuş körpələrin isə 50 faiz ölüm nisbəti var.

Bəsti MƏMMƏD