Nadir xəstəlik yarandı, ayaqları böyüdü- FOTO

Avstraliyalı bir qızın nadir rastlaşdığı xəstəlik səbəbindən ayaqları qeyri-adi dərəcədə böyüyüb və o yeriyə bilməyib.

Pakistanda anadan olan 11 yaşlı Angeldə müayinələrdən sonra toxumaların həddindən artıq böyüməsinə səbəb olan CLOVES sindromu adlı nadir xəstəlikdən əziyyət çəkdiyi məlum olub.

2019-cu ildə həkimlər Angelın hər iki ayağını amputasiya etməyi planlaşdırıblar, lakin sonradan əməliyyatın çox təhlükəli olduğu qənaətinə gəliblər.
Son vaxtlar qızın vəziyyətini yüngülləşdirə biləcək ümid tapılıb. Belə ki, həkimlər araşdırmaları nəticəsində belə qənaətə gəliblər ki, döş xərçənginin müalicəsində istifadə edilən alpelsib dərmanının istifadəsini Angelin vəziyyətini yaxşılaşdıra bilər. Qızın dərmana qarşı əks-reaksiyası olmayıb.

Qeyud edək ki, bir müddət əvvəl ABŞ-ın Texas ştatından olan sakininin dünyanın ən böyük ayaqlarının canlı sahibi kimi Ginnesin Rekordlar Kitabına düşdüyü bildirilmişdi. Onun sağ ayağının uzunluğu 33 santimetr, sol ayağının uzunluğu isə 32,4 santimetrdir.

Zeynəb Müzəffərli