Piylənmənin önəmli bir səbəbi tapıldı – YENİ MÜALİCƏ TƏTBİQ EDİLƏCƏK

Alimlər artıq çəki və piylənmənin yeni səbəbini tapıblar.

Tapıntılar çəki artımının qarşısını almaq üçün yeni müalicə üsullarının inkişafına səbəb ola bilər.
Beynəlxalq tədqiqatçılar qrupu bağırsaqdan sızan zəhərli maddələrin piy hüceyrələrinin fəaliyyətinə müdaxilə edə biləcəyini və piylənməyə səbəb ola biləcəyini müəyyən ediblər.

Endotoksinlər adlanan bu maddələr bağırsaqlardakı bakteriyaların fraqmentləridir. Mikrob qalıqları əslində həzm sisteminin normal bir hissəsi olsa da, qan dövranına daxil olduqda bədənə əhəmiyyətli zərər verə bilər.

Yeni tədqiqatın arxasında duran tədqiqatçılar endotoksinlərin insanlarda yağ hüceyrələrinə (adipositlər) təsirinə diqqət yetiriblər.
Tədqiqat 156 iştirakçını əhatə edib, onlardan 63-ü obez olaraq təsnif edilib və 26-sı piylənmə əleyhinə mədə kiçiltmə əməliyyatı keçirib.
Nəhayət, məlum olub ki, yağ yığılmasına nəzarət edən əsas proseslər qan dövranına daxil olan bağırsaq bakteriyalarının qalıqlarından təsirlənir.
Böyük Britaniyanın Nottingem Trent Universitetinin molekulyar bioloqu Mark Kristian bildirib ki, qan dövranına daxil olan bağırsaq mikrobları normal yağ hüceyrələrinin funksiyasını və çəki artımı ilə kəskinləşən metabolik fəaliyyətləri azaltmaqla diabet riskinin artmasına kömək edir.
Kökəldikcə, yağ ehtiyatlarımız bağırsaq mikroblarının yağ hüceyrələrinə vura biləcəyi zərəri məhdudlaşdırır.

“BMJ Medicine” adlı elmi jurnalda dərc edilən araşdırmanın nəticələri gələcəkdə həddindən artıq və təhlükəli çəki artımının qarşısını almaq üçün yeni müalicə üsullarının inkişafına səbəb ola bilər.

Sevinc Hüseynova