İnsultla bağlı ən modern kəşf - süni intelekt və bir prosedura...

İnsult zamanı təcili yardım mərkəzinə edilən zənglər vasitəsilə xəstənin vəziyyətini müəyyən edən süni intellekt hazırlanıb.

Bu texnologiyanı Danimarkalı tədqiqatçılar hazırlayıblar.

2015-2020-ci illərdə Kopenhagen Təcili Səhiyyə Xidmətinin zəng mərkəzinə edilən 7000-dən çox insult vəziyyəti ilə bağlı 1,5 milyondan çox zəng süni intellektin dizaynı üçün qiymətləndirilib.

Məlumat üçün bildirək ki, süni intellekt səsli zəngləri yazıya çevirmək və sonrakı mətn vasitəsilə insult risklərini qiymətləndirmək, eyni zamanda diaqnoz qoymaq üçün proqramlaşdırılmışdır.

Yeni nəsil məhsul qadınlar, kişilər və bütün yaş qrupları arasında insult hallarının müəyyən edilməsində zəng mərkəzi işçilərindən daha effektiv olacaq.
Yeni yaradılan texnologiya Avropa İnsult Təşkilatının 2023-cü ildə keçirilən konfransında təqdim edilib.

Qeyd edək ki, avropada ikinci ölüm səbəbi və yetkinlikdə əlilliyin əsas səbəbi olan insult hər il 1 milyondan çox insanın həyatına təsir edir.
Avropa İttifaqı əhalinin artması və qocalması ilə əlaqədar olaraq 2047-ci ildə insult hallarının 2017-ci illə müqayisədə 27 faiz artacağını proqnozlaşdırır.

Zeynəb Müzəffərli