Yapon diyetoloqu heç vaxt istehlak etmədiyi 6 məhsulu açıqlayıb

Xərçəngdən sağ çıxan anasının 86, bibisinin isə 98 olduğunu vurğulayan yaponiyalı qida mütəxəssisi Tomiokan heç vaxt yemədiyi qidaların adını açıqlayıb.
Orta ömür müddəti ən uzun olan ölkələr sırasında olan Yaponiyadan olan dietoloq bildirib ki, qidalanma sağlamlıq üçün çox önəmlidir.
Sağlamlığa mənfi təsir göstərən həmin qidaları təqdim edirik:
Hot-doq
Tomioka, işlənmiş ətdə yüksək duz tərkibinə diqqət çəkib. O xatırladıb ki, emal edilmiş ətin tərkibində doymuş yağ var. Bu da kolon xərçəngi və döş xərçəngi riskini artırır.
Sast food qamburger
Dietoloq bildirib ki, bir çox fast food yeməkləri kimi bir şəbəkə restoranında hamburger yedikdən sonra özünü yorğun hiss edib.
Bundan sonra fast fooddan uzaqlaşdığını deyən yapon mütəxəssis bu məhsullarda duz, trans və doymuş yağların nisbətinin çox yüksək olduğunu vurğulayıb. Bu maddələr pis xolesterin kimi tanınan LDL-ni yüksəldir.
Qazlı içkilər
Gündə ən az 1-2 lt şəkərli soda istehlak etmək insanlarda 2-ci tip diabetə səbəb ola bilər. Tomioka həmçinin süni dadlandırıcılar olan qazlı içkilərdən imtina etməyi tövsiyə edib. Çünki bunlar diqqəti çətinləşdirə bilər və eyni zamanda miqrenə səbəb ola bilər.
Taxıllar
Bəzi insanların səhər tələsik olduğu zaman səhər yeməyi taxılına üz tutduğunu deyən dietoloq, tərkibində şəkər əlavə olunan məhsullardan uzaq durduqlarını bildirib. Tomioka, həddindən artıq şəkərin qan təzyiqi problemlərinə, çəki artımına və iltihaba səbəb ola biləcəyini vurğulayıb.
Krem pendir
Tomioka süd məhsullarının kalsium və zülalla zəngin olduğunu desə də, bütün pendirlərin o qədər də faydalı olmadığını qeyd edib.
Yapon mütəxəssis qaymaqlı pendirdə zülalın miqdarının çox az olduğunu, bu məhsulun tərkibində yüksək miqdarda xolesterin olduğunu vurğulayıb.
Şirniyyatlar
Tomioka, tərkibində çox şəkər olan və qarğıdalı nişastası ilə yüklənmiş şirniyyatların ürək və beyin üçün zərərli olduğunu izah edib. “Həyatınızdan bütün şirniyyatları kəsmək məcburiyyətində deyilsiniz”,- deyən ekspert tünd şokoladın antioksidanlarla zəngin ola biləcəyini bildirib.

Sevinc Hüseynova