Klimaks dövrünü asanlaşdıracaq məsləhətlər – QADINLARIN NƏZƏRİNƏ

“Qadınların həyatında təbii bir proses olan menopoz dövründə əhəmiyyətli fiziki və ruhi dəyişikliklər baş verir. Süd vəzi xərçəngi, yumurtalıq xərçəngi, uşaqlıq və uşaqlıq boynu xərçəngi kimi ciddi xəstəliklərə ən çox menopozal yaş qrupunda rast gəlinir. Buna görə də qadınların menopoz dövrünə diqqət yetirmələri çox vacibdir. Menopoz dövründə nəzərə alınacaq faktorlara əməl etməklə sağlam, dinc və rahat bir menopoz keçirmək mümkündür”.

Bunu Doğum və Ginekologiya Mütəxəssisi Op. Dr. Meral Sönmezer deyib.

Həkim bildirib ki, bu dövrdə sağlamlıq yoxlamalarına laqeyd yanaşmaq olmaz. Menopoz zamanı baş verə biləcək bəzi xəstəliklərin erkən diaqnozunu qoymaq üçün həkim müayinələrini qaçırmamaq çox vacibdir. Ortoped, ürək-damar xəstəlikləri, süd vəzi və uşaqlıq xərçəngi təhlükələrinə qarşı müayinələrdən keçmək məsləhətdir. Mütəmadi olaraq ginekoloji müayinələr, mamoqrafiya, PAP yaxma testi, tam qan analizi, qaraciyər, ürək və böyrək funksiyası testləri, sümük rezorbsiya testləri, məsələn sağlamlıq yoxlamalarını axsatmaq olmaz.
“Lazım gələrsə, Hormon Terapiyasından dəstək alın. Menopoz zamanı estrogen hormonunun azalması səbəbindən bəzi fiziki və psixoloji dəyişikliklər baş verir. HRT adlanan hormon əvəzedici terapiya isti basmalar, tərləmə, yuxu pozğunluqları, vaginal quruluq, sidik yolları xəstəlikləri və menopozun yaratdığı psixoloji problemlərin təsirlərini azaltmaq üçün istifadə olunur. Bunlara əlavə olaraq hormon terapiyası ilə osteoporoz və əlaqəli sümük qırıqları, ürək-damar xəstəlikləri və Alzheimer riski də əhəmiyyətli dərəcədə azalır”,-deyə ginekoloq qeyd edib.

Onun sözlərinə görə, menopozun səbəb olduğu şikayətlərə qarşı bədəni formada saxlamaq üçün qadınlar balanslı və sağlam qidalanmalıdırlar. Menopoz dövründə müxtəlif qidalanma proqramları yaradılmalı, vitamin və mineralların balansına diqqət yetirilməli, tərkibində kalsium yüksək olan qidaların istehlakı artırılmalıdır. Bunlara əlavə olaraq kofein, soda, spirt, yağ və duz istehlakı məhdudlaşdırılmalıdır. Maye qəbulunu artırmaq tövsiyə edilir. Menopoz zamanı kifayət qədər gündəlik maye qəbulu çox vacibdir. İsti basmaların qarşısını almaq, böyrəklərin fəaliyyəti və çəki artımını idarə etmək üçün gündə ən az 2 litr su içilməlidir.
Həkim onu da əlavə edib ki, bu dövrdə hamiləliyin qarşısını almaq üçün nəzarət vacibdir. Menopoz dövründə yumurtlama funksiyaları qeyri-müntəzəm olsa da, hələ də aktivdir və nadir hallarda ovulyasiya baş verə bilər. Bu da hamiləliklə nəticələnə bilər. Bu səbəblə nizamsız olsa belə, menopoz əlamətləri davam edərsə, hamiləlik riski olduğu üçün doğuma nəzarət üsullarından istifadə edilməsi məsləhət görülür.

Sevinc Hüseynova