Qulaqda yaranan cingilti bu üsulla aradan qalxacaq

Tinnitus qulaqlarda davamlı cingilti ilə xarakterizə olunan bir vəziyyətdir. Yeni bir araşdırma sayəsində Miçiqan Universitetinin (UMich) alimləri bu xəstəlikdən əziyyət çəkən insanlara kömək edə biliblər.

Bu barədə araşdırma “JAMA Network Open” jurnalında dərc olunub.

Nəşrin yaydığı məlumata görə, mütəxəssislərin metodu ilə müalicə edilən insanların 60%-dən çoxu sağlamlığına qovuşub.

Tədqiqatçılar qeyd ediblər ki, ABŞ-da insanların təxminən 15%-də tinnitus var. Onların demək olar ki, yarısı xroniki xəstəlikdən əziyyət çəkir. Alimlər evdə bu xəstəliyin qarşısını almağa kömək edəcək fərdi stimullaşdırma üçün bir cihaz hazırlayıblar.

Cihazı 6 həftə istifadə edən insanların yarıdan çoxu simptomlarının yaxşılaşdığını bildirib. Elektrik stimullaşdırılmasının fərdi səs terapiyası (səs-küy) ilə birləşməsi tinnitus xəstələri üçün portativ həll yaradıb.

Qeyd edək ki, tinnitus ətrafla əlaqəsi olmayan səslərin eşidilməsi ilə bağlı olan bir narahatlıqdır. Belə səslər uğultu, cızırtı, fit və ya zil səsi şəklində ola bilər. Bu kimi eşidilən səslər bəzən kənardan gəlirmiş kimi də bir hissiyyat yarada bilməkdədir. Qısamüddətli bir narahatlıq verən bu formada qulaqda səs küy olması şikayətləri ən çox yetkin yaşlı (50 yaşdan yuxarı) insanlarda rast gəlinən bir hal olsa da, uşaqlarda və yeniyetmələrdə də rast gəlinir. Belə hallar müvəqqəti xarakter daşısa belə, bəzən xroniki və davamlı şəkildə də ola bilər. Əzələ və sinir sistemi xəstəlikləri, beyin şişləri, eşitmənin pozulması, həddindən artıq səs-küyə məruz qalma, qulaq iltihabı, qulağa toksik dərman istifadəsi tinnitusun yaranma səbəblərindən hesab olunur. Bundan əlavə yorğunluq və depressiya vəziyyəti də tinnitusu meydana gətirə bilər.

Zeynəb Müzəffərli