Saçlarımız niyə tökülür?- MÜTƏXƏSSİS

Özəlliklə mövsüm dəyişən zaman saç tökülməsi şikayətlərinin sayı artır. Mütəxəssislər bunun bir sıra səbəblərlə əsaslandırırlar. Belə ki, kimyəvi maddələrə məruz qalma, hormonal və qidalanma faktorları saç tökülməsinin əsas səbəblərindəndir.

Bu barədə həkim-dermatoloq Anar Mahmudov Medicalmedia.az-a bu barədə açıqlama verib.

Ümumiyyətlə sağlam bir baş dərisi ortalama 100 min tükə sahibdir. Amma yetkinlərdə yuyulma və daranma səbəbindən 1 gündə orta hesabla 80-120 tük tökülməsi normal hesab edilir. Sağlam bir insanda saç tökülməsi 2 aya qədər davam edə bilər. İldə 3 dəfə təkrarlanan saç tökülmə müddəti 2 ayı keçərsə, bu ciddi xəstəliklərin xəbərçisi ola bilər.

Saç tökülməsinə kişilərdə qadınlara nisbətən daha çox rast gəlinir.Belə ki, dermatoloq Anar Mahmudov deyir ki,kişilərin təxminən 25 faizində 30 yaşdan sonra andogenetik saç tökülməsi müşahidə olunur.

Dermatoloq eyni zamanda saçın vaxtından əvvəl ağarması məsələsinə də aydınlıq gətirib. Onun sözlərinə görə, saçın ağarması normalda 35-40 yaşdan sonra baş verməlidir. Bu, qocalma ilə bağlı problemdir və normal fizioloji bir prosesdir. Ancaq əgər saçlar 20-30 yaşları arasında ağarmağa başlayarsa, bunun əsas səbəblərindən biri irsiyyətdir. Digər səbəb isə yenə də daxili orqanlarda baş verən problemlərlə bağlı ola bilər. Bu səbəblər isə vitamin və mineral çatışmazlıqları, qidalanma, mədə-bağırsaq xəstəlikləri, sinir sistemi xəstəlikləri və s. problemlərlə bağlıdır.

Zeynəb Müzəffərli