Qoz yarpağının 14 təəccüblü faydası

Təbiətin bizə bəxş etdiyi nemətlərdən sağlamlığımız üçün yararlanmaq olduqca faydalıdır.
Xalq təbabətində qozun şəfaedici xüsusiyyətlərindən geniş istifadə edilir.
Qoz yarpaqlarının faydaları nələrdir, hansı xəstəliklərə qoz yarpaqları faydalıdır?
Qoz yarpaqları antioksidant təsir göstərir və bədəni toksinlərdən təmizləyir.
Antioksidant təsiri sayəsində orqanizmi bir çox xəstəliyə qarşı qoruyur və immunitet sistemini gücləndirir.
Qan şəkərini aşağı salır, ona görə də həkimlə məsləhətləşərək istehlak etmək böyük əhəmiyyət kəsb edir.
Boğaz ağrılarını aradan qaldırır və boğazdakı infeksiyaların daha sürətli keçməsinə kömək edir.
Maddələr mübadiləsini də sürətləndirən qoz yarpağı arıqlamaq istəyənlər üçün də faydalıdır.
Yaraların daha tez sağalmasına kömək edir.
Revmatik xəstəliklərə müsbət təsir göstərir.
Dəri sağlamlığına da müsbət təsir göstərən qoz yarpaqları sızanaqları azaldır.
Dəridə yaşlanma əleyhinə təsir yaratmaqla yanaşı, təbii botoks effekti göstərərək dərinin daha, canlı və parlaq görünməsinə kömək edir.
Qaşıntı, ekzema, göbələk kimi dəri xəstəliklərinə də yaxşı təsir edir.
Dəridəki çatlar və selülit kimi problemlərin görünüşünü azaldır.
Diş və diş əti iltihabının daha sürətli yaxşılaşmasını dəstəkləyən qoz yarpağı ağız və diş sağlamlığını qoruyur.
Saç sağlamlığına da faydalı olan qoz yarpağı saçlara parlaqlıq və güc verdiyi, uzun müddətdə saçların ağarmasını azaltdığı da məlumdur.
Nəhayət, qoz yarpaqları düzgün və ölçülü istehlak edildikdə qəbizlik probleminə həll yolu ola bilər.
Qoz yarpaqlarından necə istifadə etmək olar?
Əvvəlcədən bildirək ki, həkiminizlə məsləhətləşmədən istifadə etməyiniz tövsiyə olunmur.
Qoz yarpaqlarının alternativ istifadə üsulları:
Qoz yarpaqlarından istifadə edənlərin ən çox üstünlük verdiyi üsullardan biri çay dəmləmə üsuludur.
Fərqli istifadələrinə gəlincə, əgər qoz yarpaqlarından saçlarınızın sağlamlığı üçün istifadə etmək istəyirsinizsə, təzə qoz yarpaqlarını bol suya töküb qaynada bilərsiniz və bu qozla həftədə bir dəfə saçınızı yuya bilərsiniz. İstəsəniz istifadə etdiyiniz şampunun içinə az-az hazırladığınız qoz yarpağı suyunu əlavə edə bilərsiniz.
Ancaq saçınızı birbaşa qoz yarpağı suyu ilə yusanız daha təsirli olacaq və bir müddət sonra saçınızdakı ağların azalmağa başladığını görəcəksiniz.

Dərinin sağlamlığı üçün istifadə etmək istəsəniz, qoz yarpaqlarını çay şəklində hazırlayıb təmiz pambıq köməyi ilə dərinizə çəkə bilərsiniz. Üzünüzdəki ləkə və qırışları azaldacaq. İstəsəniz hazırladığınız qoz yarpağı çayını birbaşa hamam suyunuza əlavə edə bilərsiniz.

Qoz yarpağı çayını necə dəmləmək olar?
Qoz yarpağı çayı üçün lazım olanlar:
1 çay qaşığı qoz yarpağı
1 stəkan qaynadılmış su
Qoz yarpağı çayının hazırlanması bir çox başqa bitki çaylarının hazırlanmasından heç də fərqlənmir. Əvvəlcə istifadə edəcəyiniz suyu qaynadıb stəkan və ya çaydana tökün, sonra qoz yarpaqlarını əlavə edib qarışdırın və qarışığı 5-8 dəqiqə dəmləyin. Sonra süzüb adi halda yeyə bilərsiniz. Dadı bəyənməsəniz, ətir və ləzzət vermək üçün darçın çubuqları kimi müxtəlif maddələr əlavə edə bilərsiniz.

Sevinc Hüseynova