Mütəxəssislərdən Qurban bayramı ilə bağlı xəbərdarlıq

Mütəxəssislər qurban bayramı öncəsi nəzarətsiz qidalanma, ət istehlakı və infeksiyalara qarşı xəbərdarlıq ediblər.
Ürək-Damar Cərrahiyyəsi Mütəxəssisi Prof. Dr. Gökçe Şirin bildirib ki, bayramda ət və yağlı qidaların istehlakının artırılması sağlam qidalanmanı pozur və ürək-damar sağlamlığını təhlükəyə atır. Yağlı ət istehlakıqanda xolesterin səviyyəsi yüksəldir, aterosklerozlu xəstələrdə ciddi narahatlığa səbəb olur.
“Ürək, təzyiq, şəkər kimi xroniki xəstəlikləri olanlar hər zaman rutin pəhrizlərinə riayət etməlidirlər. Xüsusilə də Qurban bayramı kimi dövrlərdə rutin pəhrizdən mümkün qədər çıxmamaq, ət, şirniyyat kimi qidalar istehlak edilsə belə, miqdarına diqqət etmək lazımdır. Həddindən artıq yağlı ət qanda xolesterinin artmasına səbəb ola bilər. Xüsusilə doymamış yağ istehlakı səbəbiylə aterosklerozlu xəstələrdə bu vəziyyət arta bilər. Sağlam olmayan qidalanma piylənmə, diabet, qan təzyiqi, insult və ürək-damar xəstəlikləri kimi bir çox sağlamlıq problemini də özü ilə gətirir. Xüsusilə heyvan mənşəli zülallar, tərkibindəki doymuş yağ və xolesterinin yüksək olması səbəbindən nəzarətli şəkildə istehlak edilməlidir. Qeyri-müntəzəm qidalanma hər kəs üçün zərərlidir və çəki problemi, təzyiqi pozulmuş, ailədə ürək xəstəliyi, ürək-damar xəstəlikləri, mədə və bağırsaq xəstəlikləri olan insanların həyatı üçün təhlükə yarada biləcək qədər risklidir”,-deyə mütəxəssis bildirib.
Onun sözlərinə görə, bu tip xroniki xəstəlikdən əziyyət çəkənlərə əti yağsız və ya az yağlı, kiçik hissələrdə və əlavə yağ əlavə etmədən, sobada qaynadılmış və ya manqalda bişirib yemək tövsiyə edilir. Bundan əlavə, ətlə yanaşı tərəvəzlər də istehlak edilməlidir. Qan şəkərinin qəfil yüksəlməsi də ürəyi yora bilər. Ətlə birlikdə arta bilən duz istehlakı da təzyiq xəstələri üçün risk yarada bilər. Bu səbəbdən duz istehlakına əlavə həssaslıq göstərmək lazımdır. Çünki koroner ürək xəstəliyi olan insanlar təzyiqin ani yüksəlməsi səbəbindən infarkt kimi ciddi problemlər yarana bilər.
Mütəxəssislər onu da əlavə edir ki, qurbanlıq heyvanlarda gənə ilə mübarizə aparılmalıdır.
“Krım Konqo Qanamalı qızdırmasına səbəb olan gənəyə kənd yerlərində, meşələrdə və yaşıllıqlarda, eləcə də iribuynuzlu və xırdabuynuzlu heyvanlarda rast gəlinir. Qarşıdan gələn Qurban bayramı zamanı qurbanlıq heyvanların qan və toxumaları ilə məcburi müalicə və yaxud təması ilə bağlı bütün fəaliyyətlərin yoluxmuş heyvanlar və insanlar arasında virusun ötürülməsi üçün potensial risklər daşıdığı nəzərə alınmalıdır. Heyvanlarda gənə ilə mübarizə aparılmalı və zəruri hallarda zərərsizləşdirmə həyata keçirilməlidir Heyvanlar satış mərkəzlərinə paylanmazdan 14 gün əvvəl gənə infeksiyasının qarşısını almaq üçün zəruri hallarda akarisidlərlə müalicə edilməlidir”,-deyə Dos. Dr. Nafiz Koçak qeyd edib.

Sevinc Hüseynova