Badımcan sapını atmayın – Bilinməyən faydalar tapıldı

İlin bütün aylarında istehlak edilən qida olan badımcanın gövdəsi də özü qədər sağlamlıq üçün faydalıdır.
Bununla əlaqədar məşhur türkiyəli diyetoloq Dr. Fevzi Özgönül məlumat verib.

“Çox insanın faydasını bilmədən kəsib atdığı badımcanın gövdəsi tərkibindəki zəngin vitamin və minerallar sayəsində xəstəliklərə qarşı müsbət təsir göstərir. C vitamini ilə dəriyə parlaqlıq verir və tənəffüs xəstəliklərindən qoruyur. Tərkibindəki təbii nikotini isə siqareti tərgitmək istəyənlər üçün çox faydalı hesab edilir. İspanaqdan sonra ən zəngin dəmir tərkibli tərəvəz olan badımcan sapı yorğunluğu aradan qaldırır və dəmirin udulmasını artırır. İnsulin müqavimətini balanslaşdırır. Antioksidant quruluşla zəngin olduğu üçün bədənimizdəki toksinlərin atılmasını asanlaşdırır”,-deyə mütəxəssis bildirib.

O qeyd edib ki, bu müalicəni tətbiq edərkən nəzərə alınmalı bir neçə məqam var. Bu 5 günlük müddətdə bulqur, pomidor, turşu, sirkə, mayalı və ədviyyatlı (çili, isot və acı bibər) qidalardan uzaq durmaq lazımdır. Çünki bu qidalar hemoroid kimi xəstəliklərə səbəb ola bilər.
Dr. Özgönül badımcan sapı reseptini də açıqlayıb.

“Hazırlamaq üçün 10 badımcan sapı, 12 stəkan su, 1/2 çay qaşığı limon suyu, 1 çay qaşığı duz lazımdır. Kəsilmiş badımcanın saplarını və digər və inqrediyentləri bir qazana əlavə edin. Qapağı bağlı şəkildə qaynadın. Tam şəkildə qaynadıqdan sonra soyumasını gözləyin. Kifayət qədər soyuduqdan sonra soyuducuda saxlaya bilərsiniz. Hazırladığınız bu qarışığı 5 gün səhər və axşam acqarına için”,- deyə diyetoloq qeyd edib.

Sevinc Hüseynova